ബേപ്പൂര് സുല്ത്താന് ഓര്മ്മയായിട്ട് 21വര്ഷം.ഈ വര്ഷത്തെ ബഷീര്ദിനം ജൂലായ് 6 തിങ്കളാഴ്ച വിവിധ പരിപാടികളോടെ നടന്നു. രാവിലെ നടന്ന അസംബ്ലിയില് ബഷീറിനെ അനുസ്മരിച്ചുകൊണ്ട് കുട്ടികള് തയ്യാറാക്കിയ കുറിപ്പുകളുടെ അവതരണം നടന്നു. ഹെഡ്മാസ്റ്റര് ബഷീര് അനുസ്മരണപ്രഭാഷണം നടത്തി.ഒരാഴ്ചക്കാലം ബഷീര് കൃതികള് പരിചയപ്പെടാന് കുട്ടികള്ക്ക് അവസരമൊരുക്കും.വൈകുന്നേരം 3.30ന് ശ്രീമതി രമാദേവി ടീച്ചര് കുട്ടികള്ക്ക് വൈക്കം മുഹമ്മദ് ബഷീറിന്റെ ജീവചരിത്രം പരിചയപ്പെടുത്തി.ഒരു മണിക്കൂര് സമയം ടീച്ചര്, കുട്ടികളെ സാഹിത്യ സുല്ത്താന്റെ ജീവിതത്തിലേക്ക് കൂട്ടിക്കൊണ്ടുപോകുകയായിരുന്നു.ബഷീര് കൃതികള് പരിചയപ്പെടുത്തിക്കൊണ്ട് ,അവ വായിക്കാന് കുട്ടികളില് താല്പര്യമുണ്ടാക്കാന് ടീച്ചര്ക്ക് സാധിച്ചു.കുഞ്ഞുപാത്തുമ്മയും മജീദും സുഹറയും ആനവാരി രാമന്നായരും പൊന്കുരിശ് തോമയും അബ്ദുള് ഖാദറുമെല്ലാം കുട്ടികള്ക്ക് കൂട്ടുകാരായി.ചടങ്ങില് ഹെഡ്മാസ്റ്റര് സ്വാഗതം പറഞ്ഞു. ശ്രീമതി കുമുദകുമാരി ടീച്ചര് നന്ദി പ്രകാശിപ്പിച്ചു.
No comments:
Post a Comment